നടൻ കൃഷ്ണകുമാറും കുടുംബവും പ്രേക്ഷകർക്ക് ഏറെ പ്രിയപ്പെട്ടവരാണ്. ഇവരുടെ ചെറിയ ഓരോ വിശേഷവും സമൂഹമാധ്യമങ്ങളിൽ ചർച്ചയാകാറുമുണ്ട്. യൂട്യൂബ്, ഇൻസ്റ്റ​ഗ്രാം വീഡിയോകളും റീൽസുകളുമെല്ലാമായി നാല് പെൺമക്കളും തിരക്കിലാണ്. കൃഷ്ണകുമാറിന്റെ ഭാ​ര്യയും നടിയുമായ സിന്ധു കൃഷ്ണകുമാറാണ് മക്കൾക്ക് റീൽസ് ചെയ്യാനുള്ള വീഡിയോ പലതും എടുത്ത് കൊടുക്കുന്നത്. സ്‌കൂളിൽ പഠിക്കുന്ന സമയം മുതലേ തനിക്ക് ഫിലിം മേക്കിങ് ഇഷ്ടമായിരുന്നുവെന്നാണ് സിന്ധു പറയുന്നത്.

മക്കളിൽ ഓസിക്ക് ഷൂട്ട് ചെയ്തുകൊടുക്കാൻ ആണ് ഏറ്റവും ഇഷ്ടമെന്നും യൂട്യൂബിൽ ഇടുന്ന വീഡിയോസിന്റെ എല്ലാ പ്രോസസിംഗും താൻ തനിയെ ആണ് ചെയ്യുന്നതെന്നും സിന്ധു വെളിപ്പെടുത്തി. ടാക്സ് ഇഷ്യൂവുമായി ബന്ധപ്പെട്ടുകൊണ്ട് റെയ്ഡ് വന്നപ്പോൾ തങ്ങൾക്ക് ടെൻഷൻ ഒന്നും ഉണ്ടായില്ലെന്നും, എല്ലാം പക്കയായി ഫോളോ ചെയ്യുന്നവർ ആണ് മക്കളെന്നും സിന്ധുകൃഷ്ണ പറഞ്ഞു. ജിഎസ്ടി ഇൻവോയിസ് എല്ലാം താൻ ആണ് അഹാന ഒഴികെ ഉള്ളവർക്ക് ചെയ്തു കൊടുക്കുന്നത്.

കൂടാതെ, അമ്മുവും ഓസിയും മാത്രമായിരുന്നു മക്കൾ എങ്കിൽ ജീവിതത്തിൽ എന്തുചെയ്തേനേ എന്ന് ഇഷാനിയോട് താൻ പറഞ്ഞുവെന്നും, ഇഷാനിയും ഹൻസികയും ജീവിതത്തിൽ ഏറെ അർഥങ്ങൾ ആണ് സമ്മാനിച്ചതെന്നും അവർ പറയുന്നു. വീട്ടിൽ ഏറ്റവും കൂടുതൽ ഷോപ്പ് ചെയ്യുന്നത് ഓസി ആണെന്നും, വീട്ടുകാർ എല്ലാവരും കൂടിയിരുന്ന് കഥകൾ പറയുന്ന കൂട്ടത്തിലാണ് എന്നും താര പത്നി പറഞ്ഞു. സിന്ധുകൃഷ്നക്ക് ഒപ്പം അഭിമുഖത്തിൽ പങ്കെടുക്കാൻ അഹാനയും എത്തിയിരുന്നു. വീട്ടിൽ എല്ലാവരും സ്വന്തം കാര്യത്തിൽ ഈഗോയിസ്റ്റിക് ആയ ആളുകൾ ആണെന്നും അഹാന പറയുന്നു.

”നമ്മൾക്ക് പെൺകുട്ടികൾ ജനിച്ചപ്പോൾ ഒരുപാട് ആളുകൾ കളിയാക്കിയിട്ടുണ്ട്. ഈ കൃഷ്ണകുമാറിനും സിന്ധുവിനും ഒന്നും വേറെ പണിയില്ലേ, ഇത്രയും പെൺപിള്ളേരെ വച്ച് ഇവർ എന്തുചെയ്യും എന്ന് അടുത്ത ബന്ധുക്കൾ പോലും ചോദിച്ചിട്ടുണ്ട്. നമ്മളെ ഒരുപാട് ആളുകൾ ഇതിന്റെ പേരിൽ പുച്ഛിച്ചിട്ടുണ്ട്.

അവരുടെ മുൻപിൽ ഞങ്ങളുടെ മക്കൾ ഈ പ്രായത്തിൽ ഇത്രയും എത്തിയതിൽ അഭിമാനം തോന്നിയിട്ടുണ്ട്. ആൺകുട്ടികൾ ജനിച്ചാൽ ജീവിതം അടിപൊളിയായി എന്ന് ചിന്തിക്കുന്ന ഒരുപാട് ആളുകൾ ഉണ്ട്. മൂന്നാലു വർഷങ്ങൾ കൊണ്ട് നമ്മുടെ ജീവിതത്തിൽ വലിയ മാറ്റങ്ങൾ സംഭവിച്ചു അതിനു കാരണം ഈ കുട്ടികൾ ആണ്. എന്റെ അഭിമാനമാണ് എന്റെ പെണ്മക്കൾ”- സിന്ധു പറഞ്ഞു.