തിരക്കഥാകൃത്തും സംവിധായകനുമായ റാഫിയുടെ തിരക്കഥയിൽ നാദിർഷ സംവിധാനം ചെയ്യുന്ന പുതിയ ചിത്രത്തിൻറെ ഒഫീഷ്യൽ ടൈറ്റിൽ ലുക്ക് പുറത്തിറങ്ങി. ‘വൺസ് അപ്പോൺ എ ടൈം ഇൻ കൊച്ചി’ എന്ന് പേരിട്ടിരിക്കുന്ന ചിത്രത്തിൽ റാഫിയുടെ മകൻ മുബിൻ എം. റാഫിയും അർജുൻ അശോകനും ഷൈൻ ടോം ചാക്കോയുമാണ് പ്രധാന കഥാപാത്രങ്ങളെ അവതരിപ്പിക്കുന്നത്.

‘ഞാൻ പ്രകാശൻ’, ‘മകൾ’ എന്നീ ചിത്രങ്ങളിലൂടെ ശ്രദ്ധ നേടിയ യുവ താരം ദേവിക സഞ്ജയ്‌ നായികയായെത്തുന്നു. സൂപ്പർഹിറ്റായി മാറിയ ‘കട്ടപ്പനയിലെ ഋത്വിക് റോഷൻ’ എന്ന സിനിമയ്ക്ക് ശേഷം നാദിർഷ ഒരു പുതുമുഖത്തെ കേന്ദ്ര കഥാപാത്രമാക്കി ഒരുക്കുന്ന സിനിമയാണ് എന്ന പ്രത്യേകതയും ‘വൺസ് അപ്പോൺ എ ടൈം ഇൻ കൊച്ചി’ എന്ന ചിത്രത്തിനുണ്ട്.

നടനായി സിനിമാലോകത്തെത്തിയ നാദിർഷയുടെ സംവിധായകനെന്ന നിലയിലെ ആറാമത്തെ ചിത്രമാണിത്. ‘ഈശോ’യാണ് ഒടുവിൽ പുറത്തിറങ്ങിയ ചിത്രം. ‘ഹൃദയം’ എന്ന സിനിമയിലെ ഗാനങ്ങളിലൂടെ ശ്രദ്ധ നേടിയ യുവ സംഗീത സംവിധായകൻ ഹിഷാം അബ്ദുൽ വഹാബാണ് ചിത്രത്തിലെ പാട്ടുകൾ ഒരുക്കുന്നത്. ഷാജി കുമാറാണ് ചായാഗ്രാഹകൻ.

പ്രൊജക്റ്റ്‌ ഡിസൈനർ: സൈലക്സ് എബ്രഹാം, എഡിറ്റർ: ഷമീർ മുഹമ്മദ്‌, പ്രൊഡക്‌ഷൻ ഡിസൈനർ: സന്തോഷ്‌ രാമൻ, മേക്കപ്പ്: റോണക്സ് സേവ്യർ, കോസ്റ്റ്യൂം: അരുൺ മനോഹർ, ഗാനരചന: ഹരിനാരായണൻ, സുഹൈൽ കോയ, കുൻവർ ജുനേജ, ഷഹീര, സൗണ്ട് ഡിസൈനർ: സപ്ത റെക്കോർഡ്സ്, പ്രൊഡക്‌ഷൻ കൺട്രോളർ: ശ്രീകുമാർ ചെന്നിത്തല, ആക്ഷൻ കോറിയോഗ്രഫി: സിൽവ സ്റ്റണ്ട്, മാഫിയ ശശി, നൃത്ത സംവിധാനം: ബൃന്ദ, പ്രസന്ന, ചീഫ് അസോസിയേറ്റ് ഡയറക്ടർ: ദീപക് നാരായൺ, അസോസിയേറ്റ് ഡയറക്ടർ: വിജീഷ് പിള്ള, സ്റ്റിൽസ്: യൂനസ് കുന്തായി, ഡിസൈൻസ്: യെല്ലോടൂത്ത്, വിതരണം: തിയേറ്റർ ഓഫ് ഡ്രീംസ്, പി.ആർ.ഓ മഞ്ജു ഗോപിനാഥ്, വിഷ്വൽ പ്രൊമോഷൻസ്: സ്നേക്ക്പ്ലാൻറ്.