ജയറാമിന്റെ മകൾ മാളവികയുടെ മകളുടെ കല്യാണത്തിന് മലയാള സിനിമയിലെ ഒരുപാട് പേർ പങ്കെടുത്തിരുന്നു. നടൻ മമ്മൂട്ടിയും ഈ വിവാഹത്തിന് എത്തിയിരുന്നു. മമ്മൂട്ടി വിവാഹത്തിനെത്തിയപ്പോൾ ദിലീപും കുടുംബവുമായി സംസാരിക്കുന്ന മമ്മൂട്ടിയുടെ ദൃശ്യങ്ങൾ സോഷ്യൽ മീഡിയയിൽ വൈറലായിരുന്നു. അന്ന് തങ്ങൾ നടത്തിയ സൗഹൃദ സംഭാഷണത്തെ കുറിച്ച് തുറന്നു പറഞ്ഞിരിക്കുകയാണ് ദിലീപ് ഇപ്പോൾ. മകൾ മീനാക്ഷിയുടെ വിവാഹത്തെ കുറിച്ചാണ് സംസാരിച്ചത് എന്നാണ് ദിലീപ് പറയുന്നത്.

‘മകളുടെ വിവാഹത്തെ പറ്റി ചിന്തിക്കാറുണ്ടോ?’ എന്ന അവതാരകയുടെ ചോദ്യത്തോടാണ് ദിലീപ് പ്രതികരിച്ചത്. മാളവികയുടെ വിവാഹത്തിൽ പങ്കെടുക്കാനെത്തിയപ്പോൾ എല്ലാവരും തന്നോട് മകളുടെ വിവാഹത്തെപറ്റി സംസാരിച്ചതായി ദിലീപ് പറഞ്ഞു. മമ്മൂക്കയാണ് ആദ്യം പറഞ്ഞത്. ‘എന്നാണ്… ഒരു കല്യാണം ഇനീം?’ എന്ന് ചോദിച്ചു.

ഞാൻ പറഞ്ഞു, ഞാൻ നിർത്തി… കാരണം എന്റെ എല്ലാ കല്യാണത്തിനും പങ്കെടുത്തിട്ടുള്ള ആളാണ് മമ്മൂക്ക. പിന്നീടാണ്, ഇവളെ ആണെന്ന് പറഞ്ഞ് മീനാക്ഷിയെ മമ്മൂക്ക ചൂണ്ടിക്കാണിക്കുന്നത്. മമ്മൂക്ക കണ്ടയുടനെ മീനാക്ഷിയോട് കൈയ്യിൽ തൂങ്ങുന്നുണ്ടോ എന്നാണ് ചോദിച്ചത്. കാരണം മമ്മൂക്കയുടെ കൈയ്യിൽ മീനാക്ഷി ചെറുപ്പത്തിൽ തൂങ്ങിക്കിടക്കുന്ന ഒരു ഫോട്ടോയുണ്ട്. ചെറിയ കുട്ടിയായിരുന്ന മീനാക്ഷി ഡോക്ടറായി എന്നൊക്കെ പറഞ്ഞപ്പോഴുള്ള ഒരു സന്തോഷം.

നമുക്ക് മക്കളോട് പോയി ഇയാളെ തന്നെ കല്യാണം കഴിക്കണമെന്ന് പറയാൻ പറ്റില്ല. മക്കൾക്ക് അവർ ഇഷ്ടപ്പെടുന്നയാളെ വിവാഹം കഴിപ്പിച്ച് കൊടുക്കാനേ നമുക്ക് പറ്റൂ. കുട്ടികൾക്കും അവരുടെ പങ്കാളിയേയും കുടുംബത്തേയുമൊക്കെ ആവശ്യമുള്ളതാണ്, അതുകൊണ്ട് അവരുടെ വിവാഹത്തെ പറ്റി ഞാൻ ചിന്തിക്കാറുണ്ട്”- ദിലീപ് പറയുന്നു. ഒരു യൂട്യൂബ് ചാനലിന് നൽകിയ അഭിമുഖത്തിലാണ് ദിലീപ് ഇക്കാര്യങ്ങൾ വ്യക്തമാക്കിയത്.