നടനും സംവിധായകനുമായ രൺജി പണിക്കരെ വീണ്ടും വിലക്കി തിയറ്റർ ഉടമകൾ. രൺജി പണിക്കർക്ക് പങ്കാളിത്തമുള്ള നിർമാണ വിതരണക്കമ്പനി കുടിശിക നൽകാനുണ്ടെന്ന കാരണത്താലാണ് അദ്ദേഹത്തെ വിലക്കിയിരിക്കുന്നത്. തിയറ്റർ ഉടമകളുടെ സംഘടനയായ ഫിയോക് ഇക്കാര്യം അറിയിച്ചു. കുടിശിക തീർക്കുന്നത് വരെ രൺജിയുടെ സിനിമകളുടെ സഹകരിക്കില്ലെന്നും തിയറ്റർ ഉടമകൾ വ്യക്തമാക്കി.

കഴിഞ്ഞ ഏപ്രിൽ മാസവും രൺജി പണിക്കർക്കെതിരെ ഫിയോക് സംഘടന വിലക്ക് ഏർപ്പെടുത്തിയിരുന്നു. രൺജി പണിക്കര്‍ അഭിനയിച്ചതോ മറ്റ് ഏതെങ്കിലും തരത്തില്‍ പങ്കാളി ആയിട്ടുളളതോ ആയ ചിത്രങ്ങളോട് അടക്കമാണ് തിയറ്റര്‍ ഉടമകളുടെ സംഘടന നിസ്സകരണം പ്രഖ്യാപിച്ചത്. വിലക്ക് നിലനിൽക്കെ തന്നെ രൺജി പ്രധാനവേഷത്തിലെത്തിയ സെക്‌ഷൻ 306 ഐപിസി എന്ന ചിത്രം ഏപ്രില്‍ എട്ടിന് റിലീസ് ചെയ്യുകയും ചെയ്തു.