ഈ തലമുറയിലെ നടന്‍മാരില്‍ മലയാള സിനിമ ഭരിക്കാന്‍ പോകുന്നത് പൃഥ്വിരാജ് സുകുമാരന്‍ ആണെന്നതിന് അടിവരയിടുകയാണ് കടുവയുടെ വലിയ വിജയം. പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്ത് പുറത്ത് വന്ന ചിത്രം ജൂലൈ ഏഴിനായിരുന്നു ചിത്രം തിയേറ്ററുകളില്‍ എത്തിയത്. റിലീസ് ചെയ്തു ഒരു മാസം പിന്നിടും മുന്‍പേ അന്‍പത് കോടി ക്ലബ്ബില്‍ ഇടം പിടിച്ചിരിക്കുകയാണ് കടുവ. ചിത്രത്തിന്റെ നിര്‍മ്മാതാവ് കൂടിയായ പൃഥ്വിരാജ് തന്നെയാണ് ഇക്കാര്യം സമൂഹമാധ്യമങ്ങള്‍ വഴി പുറത്ത് അറിയിച്ചത്.

ചിത്രം ആഗസ്ത് നാലിന് ആമസോണ്‍ പ്രൈം വഴി ഒ ടി ടി റിലീസ് ചെയ്യും. പൃഥ്വിരാജിന്റെ തുടര്‍ച്ചായായ രണ്ടാമത്തെ അന്‍പത് കോടി ചിത്രമാണ് കടുവ. ഒരുനാടന്‍ അടിപ്പടം എന്നാണ് പൃഥ്വിരാജ് ഈ ചിത്രത്തെപ്പറ്റി വിശേഷിപ്പിച്ചത്. ഇതിന് മുമ്പ് പുറത്തിറങ്ങിയ പൃഥ്വിരാജ്- സുരാജ് വെഞ്ഞാറാമൂട് എന്നിവര്‍ പ്രധാന കഥാപാത്രങ്ങളായി എത്തിയ ജനഗണമന എന്ന ചിത്രവും ആഗോള തലത്തില്‍ അന്‍പത് കോടി രൂപയില്‍ ഏറെ കളക്ഷന്‍ നേടിയിരുന്നു. കടുവയും ജനഗണമനയും നിര്‍മ്മിച്ചിരിക്കുന്നത് പൃഥ്വിരാജ് പ്രോഡക്ഷന്‍സിന്റെയും മാജിക് ഫ്രെയിംസിന്റെയും ബാനറില്‍ പൃഥ്വിരാജിന്റെ ഭാര്യ സുപ്രിയ മേനോനും ലിസ്റ്റിന്‍ സ്റ്റീഫനും ചേര്‍ന്ന് ആണ്.

സിംഹാസനം എന്ന ചിത്രത്തിന് ശേഷം ഷാജി കൈലാസ് പൃഥ്വിരാജ് നായകന്‍ ആക്കി ഒരുക്കിയ ചിത്രം കൂടിയാണ് കടുവ. ഏറെവര്‍ഷം സിനിമാലോകത്ത് നിന്നും മാറി നിന്ന ഷാജി കൈലാസിന്റെ തിരിച്ചുവരവുകൂടിയാണ് ഈ ചിത്രത്തിലൂടെ നടന്നത്.പൃഥ്വിരാജ് അഭിനയിച്ച് തിയേറ്ററുകളില്‍ റിലീസ് ചെയ്ത അവസാന നാല് ചിത്രങ്ങളും വമ്പന്‍ വിജയമാണ് നേടിയിരിക്കുന്നത്. ജീന്‍ പോള്‍ ലാല്‍ സംവിധാനം ചെയ്ത ഡ്രൈവിംഗ് ലൈസന്‍സ്, സച്ചി സംവിധാനം ചെയ്ത അയ്യപ്പനും കോശിയും, ഡിജോ ജോസ് ആന്റണിയുടെ ജനഗണമന ഏറ്റവും ഒടുവില്‍ ഷാജി കൈലാസിന്റെ കടുവ ഇവയെല്ലാം മികച്ച വിജയം ആണ് സ്വന്തമാക്കിയത്.

ഇനി അടുത്തതായി തിയേറ്ററുകളില്‍ എത്തുന്ന പൃഥ്വിരാജ് ചിത്രം അല്‍ഫോന്‍സ് പുത്രന്റെ ഗോള്‍ഡാണ്. പ്രേമത്തിന് ശേഷം അല്‍ഫോന്‍സ് സംവിധാനം ചെയ്യുന്ന ഗോള്‍ഡില്‍ ലേഡി സൂപ്പര്‍ സ്റ്റാര്‍ നയന്‍താരയാണ് നായിക. എന്ന ചിത്രം ആയിരിക്കും. ചിത്രം ഓണം റിലീസ് ആയി എത്തുമെന്ന സൂചനയാണുള്ളത്.