ഷൈൻ ടോം ചാക്കോ, സംയുക്ത മേനോൻ, ചെമ്പൻ വിനോദ്, ബൈജു സന്തോഷ്‌, ഡെയ്ൻ ഡേവിസ് തുടങ്ങിവർ പ്രധാന വേഷങ്ങളിൽ എത്തി മനു സുധാകരന്ന്റെ സംവിധാനത്തിൽ എത്തുന്ന ഏറ്റവും പുതിയ സിനിമയാണ് ‘ബൂമറാംഗ്’. കൃഷ്ണദാസ് പങ്കിയാണ് ഈ സിനിമയുടെ തിരക്കഥ, സംഭാഷണം എന്നിവ രചിച്ചിരിക്കുന്നത്. ടി കെ രാജീവ് കുമാർ സംവിധാനം ചെയ്ത ബര്‍മുഡയുടെയും തിരക്കഥ കൃഷ്ണദാസിന്റേതാണ്. ‘ബൂമറാംഗ്’ ട്രെയ്‌ലര്‍ നടന്‍ ആസിഫ് അലി തന്റെ ഒഫീഷ്യല്‍ പേജിലൂടെ ഷെയർ ചെയ്തത് വലിയ ഹിറ്റായി മാറിയിരുന്നു.. യൂട്യൂബിലും സോഷ്യൽ മീഡിയയിലും മികച്ച പ്രതികരണമാണ് ട്രെയ്ലർ സൃഷ്ടിച്ചത്.. കോമഡിക്ക് പ്രധാന്യം നല്‍കി ഒരുക്കിയ ഒരു കംപ്ലീറ്റ് ഫാമിലി എന്റര്‍ടെയ്‌നര്‍ ആയിരിക്കും ‘ബൂമറാംഗ്’ എന്നാണ് ട്രെയ്‌ലര്‍ നല്‍കുന്ന സൂചന. തിയേറ്ററുകളില്‍ പ്രേക്ഷകരെ ചിരിപ്പിക്കുന്ന ഒരു എന്റര്‍ടെയ്‌നര്‍ ആയിരിക്കും ചിത്രമെന്ന് ട്രെയ്‌ലര്‍ ഉറപ്പു നല്‍കുന്നുണ്ട്. ഫെബ്രുവരി 3ന് ചിത്രം തിയേറ്ററുകളില്‍ എത്തും.

പ്രമുഖ താരങ്ങളെ കൂടാതെ നല്ലൊരു നടീ നടന്മാരുടെ നിരയും ചിത്രത്തിലുണ്ട്. ഹരികൃഷ്ണന്‍, മഞ്ജു സുഭാഷ്, സുബ്ബലക്ഷ്മി, നിയ, അപര്‍ണ, നിമിഷ, ബേബി പാര്‍ത്ഥവി തുടങ്ങിയവരും പ്രധാന വേഷത്തില്‍ എത്തുന്നുണ്ട്.. ഗുഡ് കമ്പനി അവതരിപ്പിക്കുന്ന ‘ബൂമറാംഗ്’ ഈസി ഫ്ലൈ പ്രൊഡക്ഷന്‍സിന്റെ ബാനറില്‍ അജി മേടയില്‍, തൗഫീഖ് ആര്‍ എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്. മേക്കപ്പ് ഷാജി പുല്‍പ്പള്ളിയും, വസ്ത്രാലങ്കാരം ലിജി പ്രേമനും ചെയ്ത ഈ സിനിമയുടെ ലൈന്‍ പ്രൊഡ്യൂസര്‍ സഞ്ജയ് പാൽ ആണ്. സ്റ്റില്‍സ് പ്രേം ലാല്‍ പട്ടാഴി ചെയ്യുന്നു. അസ്സോസിയേറ്റ് ഡയറക്ടര്‍സ് വിന്‍സെന്റ് പനങ്കൂടന്‍, വിഷ്ണു ചന്ദ്രൻ എന്നുവരും, അസിസ്റ്റന്റ് ഡയറക്ടേഴ്സ് ഗിരീഷ് ആറ്റിങ്ങല്‍, അഖിലന്‍, ആകാശ് അജിത്, നോബിന്‍ വര്‍ഗീസ് എന്നിവരുമാണ്.

പ്രേക്ഷകർക്ക് വിരുന്നായി ‘ബൂമറാംഗ്’ സിനിമയിലെ ആദ്യ ലിറിക്കൽ വീഡിയോ ഗാനം നാളെ (25-01-2023) റിലീസ് ചെയ്യുന്നു എന്നതാണ് ഏറ്റവും പുതിയ അപ്ഡേറ്റ്.. ഗാനത്തിന് സംഗീതം പകര്‍ന്നിരിക്കുന്നത് സുബീര്‍ അലി ഖാനാണ്. ഗാനരചന അജിത് പെരുമ്പാവൂരും നിർവ്വഹിച്ചിരിക്കുന്നു. നാളെ പുറത്തിറങ്ങുന്ന ഗാനത്തോടെ ചിത്രത്തിന്റെ ട്രാക്ക് മനസിലാക്കാൻ പറ്റുമോ എന്ന ആകാംഷയമുണ്ട്. ഏറെ പ്രാധാന്യമുള്ള ചിത്രത്തിന്റെ പശ്ചാത്തല സംഗീതം കെ പി നിർവഹിക്കുന്നു. പ്രൊഡക്ഷന്‍ കണ്‍ട്രോളര്‍ സഞ്ജു ജെ ആണ്. പ്രൊഡക്ഷന്‍ എക്സിക്യൂട്ടീവ് ആന്റണി ഏലൂര്‍, കലാസംവിധാനം ബോബന്‍ കിഷോര്‍ എന്നിവരാണ് ചെയ്തിരിക്കുന്നത്. ഫെബ്രുവരിയിൽ റിലീസിന് എടുക്കുന്ന ഈ സിനിമ എല്ലാ പ്രേക്ഷകർക്കും കാണാവുന്ന ഒരു ഹിറ്റ് സിനിമ തന്നെയായിരിക്കും എന്നാണ് അണിയറ പ്രവർത്തകരുടെ പ്രാഥമിക പ്രതീക്ഷകൾ.

Summary : Boomarang first lyrical video from tomorrow.