ലക്ഷദ്വീപ് മാത്രമല്ല #SaveKerala എന്നും പറയണം ; സന്തോഷ്‌ പണ്ഡിറ്റിന്റെ പരിഹാസം
1 min read

ലക്ഷദ്വീപ് മാത്രമല്ല #SaveKerala എന്നും പറയണം ; സന്തോഷ്‌ പണ്ഡിറ്റിന്റെ പരിഹാസം

ലക്ഷദ്വീപിനെ സംരക്ഷിക്കണം എന്ന് പറഞ്ഞ് മുറവിളി കൂട്ടുന്നവർ കേരളത്തിനെ സംരക്ഷിക്കാനും ഉറക്കെ ശബ്ദം ഉയർത്തണമെന്ന് സന്തോഷ് പണ്ഡിറ്റ്. ലക്ഷദ്വീപിലെ മദ്യ നിരോധനത്തിന് വേണ്ടി കരഞ്ഞു ബഹളം വെക്കുന്ന എല്ലാവരും കേരളത്തിലും മദ്യ നിരോധനം വേണം എന്ന് ഉറക്കെ പറയുവാനുള്ള നട്ടെല്ല് കാണിക്കണം എന്ന് പറഞ്ഞു കൊണ്ടാണ് സന്തോഷ് പണ്ഡിറ്റ് തന്നെ ഏറ്റവും പുതിയ ഫേസ്ബുക്ക് പോസ്റ്റ് ഷെയർ ചെയ്തിരിക്കുന്നത്. ലക്ഷദ്വീപിനെ പോലെ കേരളത്തെയും സംരക്ഷിക്കണമെന്ന് ഹാഷ്ടാഗ് അദ്ദേഹം നൽകിയിരിക്കുന്നു. ഇന്ത്യയിൽ കാർഷിക സമരം ഉണ്ടായപ്പോൾ വാ തുറന്ന ചില നടീ-നടന്മാർ ഇപ്പോൾ ലക്ഷദ്വീപിന്റെ പ്രശ്നം വന്നപ്പോഴാണ് പ്രതികരണ ശേഷിയോടെ വീണ്ടും വന്നിരിക്കുന്നത് എന്നും പരിഹാസരൂപേണ സന്തോഷ് പണ്ഡിറ്റ് കുറ്റപ്പെടുത്തി.

 

എന്നാൽ സന്തോഷ് പണ്ഡിറ്റ് നിരീക്ഷണത്തെ വിമർശിച്ച് തള്ളിക്കൊണ്ട് നിരവധിപേരാണ് അദ്ദേഹത്തിന് മറുപടി നൽകിയിരിക്കുന്നത്. എന്നാൽ സന്തോഷ് പണ്ഡിറ്റിനെ പിന്തുണച്ചും ഒരു കൂട്ടം ആളുകൾ രംഗത്തെത്തിയിട്ടുണ്ട്. കേന്ദ്ര സർക്കാരിന്റെ ഫാസിസ്റ്റ് മനോഭാവം ലക്ഷദ്വീപിൽ നടപ്പിലാക്കാൻ പോകുന്നു എന്ന് ആരോപിച്ചുകൊണ്ട് ആ നാടിനെ സംരക്ഷിക്കാൻ കേരള ജനതയും ഒപ്പം മന്ത്രിമാരും പ്രതിപക്ഷവും എല്ലാം ഒറ്റക്കെട്ടായി ട്ട് നിലകൊള്ളുന്ന സാഹചര്യമാണ്. എന്നാൽ ബിജെപി ഇതിനെ ഒട്ടും അംഗീകരിച്ചു കൊടുത്തിട്ടില്ല. അവർ അവരുടെ നയത്തിൽ ഉറച്ചുകൊണ്ട് മുന്നോട്ടുപോവുകയാണ്.

 

സന്തോഷ്‌ പണ്ഡിറ്റിന്റെ പോസ്റ്റ്; 

 

പണ്ഡിറ്റിന്റെ രാഷ്ട്രീയ നിരീക്ഷണം  

ലക്ഷദ്വീപിലെ മദ്യ നിരോധനത്തിന് വേണ്ടി കരഞ്ഞു ബഹളം വെക്കുന്ന എല്ലാവരും കേരളത്തിലും മദ്യ നിരോധനം വേണം എന്ന് ഉറക്കെ പറയുവാനുള്ള നട്ടെല്ല് കാണിക്കണം .. save Kerala (കുറെ കേരളത്തിലെ  കുടുംബങ്ങൾ എങ്കിലും രക്ഷപ്പെടും )

കഴിഞ്ഞ തവണ കാർഷിക സമരത്തിന്റെ സമയത്തു വായ തുറന്ന ചില വലിയ നടന്മാർ ഇപ്പോൾ ലക്ഷദ്വീപിൽ മദ്യം നിരോധിക്കാൻ വേണ്ടി കരഞ്ഞു കൊണ്ട് പോസ്റ്റ് ഇടുന്നുണ്ടല്ലോ . (2019 December ആയിരുന്നു അവരുടെ ആ കരച്ചിൽ . ആ സമയം വായ തുറന്ന നടന്മാരുടെ പുതിയ സിനിമ റിലീസ് ഉണ്ടായിരുന്നു . ആ സിനിമകൾക്ക് ചില വിഭാഗം ആളുകൾ കണ്ടു പിന്തുണ  കിട്ടുവാൻ ആയിരുന്നു ആ കർഷക “പ്രേമം” കാണിച്ചത് .) അതിനു ശേഷം പഞ്ചാബിലെ കർഷകർ ഇപ്പോഴും സമരം ചെയ്യുന്നുണ്ട് . പക്ഷെ പുതിയ സിനിമകൾ റിലീസ് ഇല്ലാത്തതിനാൽ ഒരു നടനും വീണ്ടും അവർക്കായി കരയുന്നില്ല . 

ലക്ഷദ്വീപിന്‌ വേണ്ടി കരയുന്ന നടന്മാരും സാംസ്കാരിക നായകന്മാരും കേരളത്തിനായും കരയേണ്ട വിഷയം ഉണ്ട് .

ലക്ഷദ്വീപിലെന്ന പോലെ കേരളത്തിലെ സ്കൂൾ കുട്ടികൾക്കും ഉച്ചക്ക് ചിക്കൻ കറി , ബിരിയാണി , വലിയ മീന് പൊരിച്ചത് കേരളത്തിലും  വിളമ്പണ്ടെ ?

തീരദേശ നിയമത്തിൻ്റെ പേരിൽ ലക്ഷദ്വീപിൽ മാത്രമല്ല , കേരളത്തിലും എത്രയോ കെട്ടിടങ്ങൾ പൊളിച്ചിട്ടുണ്ട് . ആ പൊളിച്ച കെട്ടിടങ്ങൾ കേരള  സർക്കാർ തന്നെ വീണ്ടും കെട്ടിക്കൊടുക്കണം എന്നും പറഞ്ഞു പോസ്റ്റ് ഇടാമല്ലോ ?

ലക്ഷദ്വീപിലെ പോലെ , കേരളത്തിലും 

പഞ്ചായത്തുകൾ തോറും സർക്കാർ ഫാമുകൾ സ്ഥാപിച്ച് കേരളത്തിലും നല്ല ഗുണനിലവാരമുള്ള പാൽ ലഭ്യമാക്കണം എന്നൊക്കെ പറഞ്ഞും പോസ്റ്റാം .

ഗുണ്ടാ നിയമവും യുഎപിഎ യും ലക്ഷദ്വീപിൽ മാത്രമല്ല .  കേരളത്തിലും ഉണ്ടല്ലോ . ആ നിയമങ്ങൾ ലക്ഷദ്വീപിൽ മാത്രം മാറ്റിയാൽ  മതി എന്നാണോ ഈ സാംസ്കാരിക നായകന്മാർ പറയുന്നത് ?

അങ്ങനെ കേരളത്തെ ഇനിയെങ്കിലും  ലക്ഷദ്വീപ് പോലൊരു “സമാധാനം നിറഞ്ഞ നാടാക്കി”  മാറ്റുന്നതിനെ കുറിച്ചും നമ്മുക്ക് ചർച്ച ചെയ്യേണ്ടേ ?

ലക്ഷ്വദീപിൽ ഇത്രയും കാലമായി ഒരു കള്ളവും ഇല്ല , ചതിയും ഇല്ല എള്ളോളമില്ല പൊളി വചനം എന്ന് ചിന്തിക്കുന്നവർ കേരളവും ലക്ഷദ്വീപിലെ പോലെ ആക്കുവാൻ ഇവിടെയും മദ്യ നിരോധനവും , രാഷ്ട്രീയ ആക്രമണങ്ങൾ ഇല്ലാതാക്കുവാനും ശ്രമിക്കണം .

#SaveKeralam (ലക്ഷദ്വീപ് പോലെ )

(വാൽകഷ്ണം . ലക്ഷദ്വീപിൽ  മദ്യം വേണ്ട… കേരളത്തിൽ  മൊത്തം ഒഴുക്കാം അതെന്താ അങ്ങനെ ?)

By Santhosh Pandit (മറയില്ലാത്ത വാക്കുകൾ , മായമില്ലാത്ത പ്രവർത്തികൾ , ആയിരം സാംസ്കാരിക നായകന്മാർക്ക് അര പണ്ഡിറ്റ് .. പണ്ഡിറ്റിനെ പോലെ ആരും ഇല്ല )

Leave a Reply